Nýr kjarasamningur við sveitarfélögin undirritaður í nótt
Á öðrum tímanum í nótt undirrituðu samninganefndir 11 aðildarfélaga BSRB og Sambands íslenskra sveitarfélaga nýjan kjarasamning. Gildistími samningsins er frá 1. apríl 2024 til 31. mars 2028. Samið var á sambærilegum nótum og á almennum markaði í vor.
Félögin sem kjarasamningurinn nær til eru:
- Kjölur – stéttarfélag starfsmanna í almannaþjónustu
- Félag opinbera starfsmanna á Austurlandi
- FOSS – stéttarfélag í almannaþjónustu
- Sameyki – stéttarfélag í almannaþjónustu
- Starfsmannafélag Garðabæjar
- Starfsmannafélag Húsavíkur
- Starfsmannafélag Hafnarfjarðar
- Starfsmannafélag Mosfellsbæjar
- Starfsmannafélag Kópavogs
- Starfsmannafélag Suðurnesja
- Starfsmannafélag Vestmannaeyjabæjar
Nýr kjarasamningur verður kynntur félagsfólki Starfsmannafélags Mosfellsbæjar á næstu dögum.
